(Otsailaren 11ko 1/2011 Errege Lege-dekretuaren 1 artikulua)

Neurriaren helburua da kontratazioa sustatzea, gazte langabeen eta iraupen luzeko pertsona langabeen lanaldi partzialeko kontratuen bidez, Gizarte Segurantzaren enpresaren kuotaren murrizpenen bitartez.

Lanaldi oso konparagarriaren %50 eta %75 bitartekoa izan behar du lanaldi partzialeko lanaldiak.

1/2011 Errege Lege-dekretua indarrean sartzen denetik 12 hilabeteko iraupena du Programa honek.

Programa aplika dakieke 2011ko otsailaren 13 eta 2012ko otsailaren 12 bitarte eratzen diren lanaldi partzialeko aldi baterako kontratuei nahiz kontratu mugagabeei.

Pertsona onuradunek gutxienez 2011ko urtarrilaren 1etik enplegu bulegoan etengabe inskribatuta izan diren pertsona langabeak izan behar dute, eta ondoko kolektiboren baten barnean egon:

• 30 urterainoko gazteak, horiek barne
• kontratazioaren aurretiko 18 hilabeteetan, gutxienez 12 hilabetez enplegu bulegoan inskribatuta izan diren pertsona langabeak.

Programaren pizgarriak ondokoei zuzenduta daude:

• Enpresak
• Besteren konturako langile gisa gizarte segurantzaren erregimenean altan diren pertsonak kontratatzen dituzten Lan-Sozietateak nahiz Kooperatibak
• Aurreko paragrafoan azaldutako ezaugarriak biltzen dituzten pertsonak kontratatzen dituzten Langile Autonomoak

Edozein kontratu mugagabe edo aldi baterako kontratu kuoten murrizpenaren onuradun izan daiteke, iraupen mugatukoa edo praktikaldikoa bada ere, bere hasierako iraupena 6 hilabetekoa edo gehiagokoa bada.

Ondoko modalitateek ezin dute kuoten murrizpenaren onuradun izan:

• Bitartekoa
• Txandakakoa
• Prestakuntzarako kontratua
• Erretirorako adinaren aurrerapenagatik ordezpen kontratua

Murrizpena aplikatzeko aukera duten kontratuen ereduetan, klausula zehatz bat sartu da eta, gainera, kontratuarekin batera 1/2011 Errege Lege Dekretuaren "Kuoten murrizpenerako eskubidea duen kontratua" Erantsia (PE-224) aurkeztu beharko da, behar bezala beteta.

Baldintzak honakoak dira:

• Gizarte Segurantzaren enpresaren kotizazioetan %100eko murrizpena, kontratazioaren ondoko 12 hilabeteetan. 250 langile edo gehiagoko enpresetan, kuoten murrizpena %75ekoa izango da.
• Indarrean dauden hobarien programen babesa jaso daiteke ondoren, murrizpenaren ezarpenaren 12 hilabeteak igarotakoan, langileak ondoko kolektiboren batean baldin badaude:
  • 35/2010 Legearen kontratu mugagabeak (bi kasuetan kontratazioaren aurreko 18 hilabeteetan langabe gisa 12 hilabetez inskribatuta izana):
    • Enplegagarritasun arazoak dituzten 30 urterainoko gazteak
    • 45 urtetik gorakoak
  • 43/2006 Legearen aldi baterako kontratuak edo kontratu mugagabeak:
    • Minusbaliotasunak dituzten pertsonak
    • Genero edo etxeko indarkeriaren biktimak
    • Gizarte bazterketarako arriskua duten pertsonak

Kasu guztietan, hobariari dagokion epeari, murrizpenaren ezarpenarena kenduko zaio.

Neurri honen babeseko aldi baterako kontratuak mugagabe bihurtuz gero, horiek eratu zirenetik urte bat igaro baino lehen eta lanaldi berberarekin edo handiagorekin, horiek 35/2010 Legearen 10 artikuluan ezarritako hobarientzako eskubidea eman dezakete, hasierako kontratazioaren unean pertsona langabea lege horren kolektiboren baten barne baldi bazegoen, kolektibo bakoitzarentzat ezarritako hobaria aplikatuta eta hobariari dagokion epeari murrizpenaren ezarpenarena kenduta.

Mugagabe bihurtzen diren praktikaldiko kontratuak, horiek eratu zirenetik urte bat igaro baino lehen, kontratuen bihurketagatik 35/2010 Legearen 10.3 artikuluan ezarritako hobaria jaso ahalko dute. Hala eta guztiz ere, kontratazioaren unean praktikaldirako kontratatutako pertsona 45 urtetik gorakoa izango balitz eta kontratazioaren aurreko 18 hilabeteetan gutxienez 12 hilabetez inskribatuta izango balitz, orduan enpresak hauta dezake: 10.3 artikuluan bildutako hobaria aplikatzea, edo 35/2010 legearen 10.2 artikuluan 45 urtetik gorako kolektiboari dagokiona aplikatzea.

Bi kasuetan, hobariari dagokion epeari murrizpenaren ezarpenarena kenduta.

Kontratazioak langile kopuruaren hazkuntza garbia suposatu behar du; hori kalkulatzeko, kontratazioaren aurreko laurogeita hamar egunetako bataz besteko langile kopurua erreferentzia gisa hartuko da. Murrizpen hauek jasotzen dituzten enpresek, derrigorrez eta murrizpenaren iraupen-epean zehar, egindako kontratazioarekin erdietsitako enplegu-maila mantendu beharko dute.

Erlazionatutako dokumentazioa

Dokumentuaren izenburua	Deskargatu	Formatua	Tamaina	Data
Otsailaren 11ko 1/2011 Errege Lege Dekretua, enplegu egonkorrerako trantsizioa eta pertsona langabeen lanbide-prestakuntzaren eguneratzea sustatzeko neurri larriena. (2011ko otsailaren 12ko B.O.E., 37 Zbka.)		[Pdf]	219 Kbs	2011ko otsaila
?Kuoten murrizpenerako eskubidea duen kontratua? Erantsia (1/2011 Errege Lege Dekretua. PE-224 Eredua)		[Pdf]	69 Kbs	2011ko martxoa
Kontratu moten gida eta kontratazioa sustatzeko neurriak		[Pdf]	1.2 Mbs	2011ko otsaila
Lan kontratazioaren hobarien laburpena		[Pdf]	511 Kbs	2011ko otsaila
Langile kopuruaren hazkuntzaren adibidea		[Pdf]	55 Kbs	2011ko martxoa

N/D: No disponible