EBn lan egin dut edo lan egin nahi dut

Europar Batasunak bere herritarren gizarte segurantza eskubideak babesten dituzten arau komun batzuk ezartzen ditu hauek Europan zehar dabiltzanean.
 Arau horiek honakoei aplikatzen zaizkie:
• EB, Islandia, Liechtenstein, Norvegia edo Suitzako herritarrei, edo herrialde horietan aseguratuta daudenei edo egon direnei eta euren familia kideei.
• EB, Islandia, Liechtenstein, Norvegia edo Suitzan egoiliarrak diren aberrigabe edo iheslariei, edo herrialde horietan aseguratuta daudenei edo egon direnei eta euren familia kideei.
• EBren lurraldean legez egoiliarrak diren eta herrialde kideen artean mugitu diren EBko kide ez diren herrialdeetako herritarrei eta euren familia kideei.
2010eko maiatzaren 1ean sartu ziren indarrean koordinazioa modernizatzen duten bi arau: 883/2004 eta 987/2009 Erregelamenduak.

 

On line Egoitza elektronikoaren bitartez

Aurrez aurre Eskatu hitzordua gertuen duzun bulegoan

FAQak Ikusi gehien egiten diren galderak

  • EB/EEE/SUITZA EREMUAN LAN EGIN DUT

    EB/EEE/SUITZA eremuko herrialdeetan egindako lanak

    Erkidegoko eremuan dagoen herrialde batean lan egin baduzu, kotizatutako aldiak baliatu ahal izango dituzu EB/EEEko beste herrialdeetan eta Suitzan langabeziagatiko prestazioak jasotzeko xedez.

    Espainian langabeziagatiko prestazioa jasotzeko, Espainian egindako kotizazioez gain, EB/EEEko beste herrialde batzuetan eta Suitzan egindako kotizazioak ere hartuko dira kontutan.

    Aldi hauek egiaztatzeko, ziurtatu nahi duzun lan-jarduera gauzatu duzun Estatuko erakunde eskudunak igorritako U1 inprimakia aurkeztu beharko duzu.

    Espainiara itzuli baino lehen eska dezakezu kotizazioak egin dituzun herrialdeko erakunde eskudunean edo Espainiako zure Estatuko Enplegu Zerbitzu Publikoaren bulegoaren bitartez aurkez dezakezu eskaera.

    • Espainian onartzen zaizun eskubidearen iraupena murriztuko da, prestazioa erkidegoko beste edozein herrialdetan jaso duzun beste egunetan.
    • EB/EEEkoak edo Suitzakoak ez diren herritarrek, herrialde hauetan kotizatutako aldiak baliatu ahal izango dituzte (Danimarkan, Suitzan, Islandian, Norvegian eta Liechtensteinen izan ezik) langabeziagatiko prestazioak jasotzeko, baldin eta eskubide hau eskatzen duten herrialde kidearen lurraldean legez bizi eta lan egiteko eskubidea badute.

    Espainian egindako lanak

    Espainiako Gizarte Segurantzan kotizatutako aldiak erabil ditzakezu EB/EEEko beste herrialde batean edo Suitzan langabeziagatiko prestazioak jasotzeko.

    Kotizatutako aldiak egiaztatzeko, Espainiako Estatuko Enplegu Zerbitzu Publikoaren bulegoak igortzen duen U1 inprimakiaren bitartez egingo da, interesdunak eskatuta, edo herritarrak langabeziagatiko prestazioa kobratzea eskatzen duen herrialdeak eskatu ahal izango dio Espainiari.

    Izapidea: 

    U1 dokumentuaren eskaera Estatuko Enplegu Zerbitzu Publikoan tramitatzeko, Espainian egindako azken lanari dagokion Zuzendaritza Probintzialarekin jarri beharko zara harremanetan.  

    Erkidego eremukoak ez diren arren, kotizatutako aldiak baliatzeko Hitzarmen bat duten herrialdeetan egindako lanak: Australia

    Erkidegoko eremukoak ez diren arren, Espainiak aseguru, jarduera edo kotizazio aldiak guztira jartzen dituen Gizarte Segurantza Hitzarmen bat sinatu du langabeziagatiko prestazioak jaso ahal izateko. Gaur egun, Australia da herrialde bakarra. Hau, Estatuko Enplegu Zerbitzu Publikoan tramitatuko da Australiako erakunde eskudunaren AUS/E1 dokumentuaren eskaeraren igorpena, herrialde honetan kotizatutako aldiak egiaztatzeko.

    Informazio gehiago izateko jar zaitez harremanetan telefono bidez 901 119 999 zenbakian

    EB/EEEko BESTE HERRIALDE BATEAN EDO SUITZAN LAN EGIN NAHI DUT ETA ESPAINIAN LANGABEZIA JASOTZEN ARI NAIZ

    Prestazioak jasotzen badituzu, eta Espainian gutxienez 4 astetan enplegu-eskatzaile moduan izena emanda egon bazara, eta EB/EEEko herrialde batera edo Suitzara lana bilatzera joaten bazara, prestazio hori esporta dezakezu, 3 hiletan. Halaber, beste 3 hilez luza daiteke.

    Horretarako baldintzak:
    - Lekualdaketa baimena eta U2 dokumentua eskatu Estatuko Enplegu Zerbitzu Publikoaren zure Prestazioen bulegoan.
    - Beste Estatu kide batean enplegu-eskatzaile moduan izena eman, Espainiako Enplegu Zerbitzu Publikoen zerbitzura egoteari uzten diozun egunetik hurrengo zazpi eguneko epean.

    Espainian zegoenean erabilitako sistema beraren bitartez ordainduko da prestazioa.

    EB/EEEkoa ez den herrialde bateko edo Suitzako nazionalek prestazioa esporta dezakete, herrialde horietan lana bilatzeko (Danimarkan, Suitzan, Islandian, Norvegian eta Liechtensteinen izan ezik), betiere lekualdatu nahi duten herrialdean enplegu-zerbitzuetan izena emateko aukera dutela eta lan bat legez garatuko dutela egiaztatzen badute, dagokion bizileku- edo lan-baimenaren bidez

    EEEko kide ez diren herrialdeetakoek eta Suitzakoek, baldintzak betetzen badituzte, langabeziagatiko prestazioa Erresuma Batura esportatu ahal izango dute, CE 859/2003 Erregelamenduari jarraiki. Aipatu araudiak, 3 hilabetez esportatzea baimentzen du, luzatzeko aukerarik gabe.

Dokumentazio