Ordainketa bakarra eskatzeko memoria jarduera-proiektu baten idazketan oinarritzen da. Proiektu horretan garatuko duzun jarduera azaldu beharko da, eta haren bideragarritasun ekonomikoa eta finantzarioa baloratzeko aukera eman beharko du. Memoria horrek honako atal hauek jaso beharko ditu:

• Datu pertsonalak.
• Garatu beharreko jarduerari buruzko datuak: zertan datzan, non egingo den (udalerria eta probintzia), zein esparru juridikotan egingo den eta noiz hastea aurreikusten den.
• Beharrezko kapital osoa (propioa, kanpokoa eta kapitalizatutakoa).
• Kapitalaren aurreikusitako banaketa.
• Egin beharreko inbertsioen xehetasuna.
• Jarduera garatuko den lokalari buruzko datuak.
• Lehenengo ekitaldietarako diru-sarreren, gastuen eta etekinen aurreikuspena.
• Enplegua sortzeari buruzko aurreikuspena.

Memoria egiteko, Estatuko Enplegu Zerbitzu Publikoaren webgunean eskuragarri dagoen gidari jarraitu ahal izango diozu, «Ordainketa bakarrerako edo kapitalizaziorako proiektuaren azalpen-memoriaren txantiloia» izenekoari.

Memoria prestatzerakoan, aholkularitza edo kontsultoretza pribaturen batera jo dezakezu, baita administrazio publikoek —estatukoek, autonomia-erkidegoetakoek edo tokikoek— jarduera-proiektu berriak bultzatzen dituzten pertsonen eskura jartzen dituzten zerbitzuetara ere.