Kapitalizazioaren zenbatekoa jaso ondoren, hilabeteko epea izango duzu jarduera hasteko eta dirua jarduera horretan inbertitu duzula egiaztatzen duen dokumentazioa aurkezteko.

Jaso duzun zenbatekoa aurreikusitako jarduerara bideratu beharko duzu, espedientearen parte den proiektuaren memorian jasotakoaren arabera.

Hastutako jarduera eskaeran eta memorian adierazitakotik desberdina bada, baina aplikatu beharreko araudira egokitzen bada, memori berria eta SEPEk eskatzen dizun dokumentazio osagarria aurkeztu beharko dituzu.

Hiru egoera gerta daitezke:

1.- Jarduera berriak legezko baldintzak betetzea, proiektua bideragarria izatea eta martxan jartzeko behar den zenbatekoa hasieran onartutakoarekin bat etortzea. Kasu horretan, aitortutako eskubidea mantentzen da.

2.- Jarduera berriak legezko baldintzak betetzea eta bideragarria izatea, baina emandako zenbatekoa memori berrira egokituta ez egotea. Kasu horretan, SEPEk ebazpen berria emango du zenbatekoa proiektu berrira egokituz, eta bi zenbatekoen arteko aldeak badaude, beharrezkoak diren kobrantza okerrak itzultzeko eskatuko dizu.

3.- Ez betetzea legezko baldintzak eta proiektua bideragarria ez izatea. Kasu horretan, SEPEk ordainketa bakarrean jasotako zenbateko osoa itzultzeko eskatuko dizu.
Honako kasu hauetan, kapitalizatutako zenbateko likido osoaren kobrantza okerra erreklamatuko da:

• Jarduera hasten ez baduzu eta hori behar bezala justifikatzen ez baduzu.
• Emandako zenbatekoa kooperatiba edo lan-sozietate batean bazkide edo langile gisa sartzera bideratzen ez baduzu.
• Zenbatekoa norberaren konturako jarduera bat garatzera bideratzen ez baduzu.

Langabezia-prestazioa kapitalizazioaren xedetik kanpoko beste helburu batzuetara bideratzen bada, arau-hauste oso larritzat jo daiteke. Horrek langabezia-prestazioa galtzea eta, gainera, urtebetez edozein prestazio ekonomiko edo enplegua sustatzeko laguntza jasotzeko eskubidetik kanpo geratzea ekarriko du.

Informazio gehiago hemen: Zure prestazioa kapitalizatu.