Zure enpresan borondatezko eszedentziara pasatzean langabezia-prestazioa eskatzen baduzu, ukatu egingo zaizu, ez baitzaude langabeziaren egoera legalean.

Borondatezko eszedentzian zaudela beste enpresa batean lan egiten baduzu, eta kontratua zure borondateaz kanpoko arrazoiengatik amaitzen bada, langabezia-prestazioa eskura dezakezu honako egoeretan:

• Borondatezko eszedentziaren iraupena oraindik amaitu ez denean langabeziaren egoera legala sortzen den unean. Kasu horretan, prestazioaren iraupena eszedentziarena baino luzeagoa bada, prestazioa eszedentzia amaitu arte jasoko duzu. Une horretan, prestazioa eten egingo da, enpresara itzultzeko eskaera egin eta haren erantzunaren zain egon behar baituzu. Enpresak egokitutako lanposturik ez dagoela adierazten badu edo une horretan itzulera ukatzen badu baina etorkizuneko data batean onartzen badu, langabezia-prestazioa jasotzen jarraitu ahal izango duzu itzuleraren unea iritsi arte edo prestazioa amaitu arte.
• Borondatezko eszedentziaren epea jada amaituta badago prestazioa eskatzen duzunean, edo eszedentziarako gutxieneko iraupenik ez bada ezarri. Kasu horretan, derrigorrezkoa da lehenik enpresara itzultzeko eskaera egitea. Enpresak erantzuten ez duen bitartean, ezin da langabezia-prestazioaren eskaera ebatzi, langabeziaren egoera legala ez dagoelako. Enpresak une horretan berriz lanean hasteko aukerarik ez dagoela erantzuten badu, orduan langabeziaren egoera legala sortzen da eta eskaera ebatzi daiteke.