Habería que distinguir se a sociedade á que pertences e na que cesas é laboral ou mercantil capitalista.

• Se se trata dunha sociedade laboral e quedas en desemprego involuntariamente, podes ter dereito a prestacións por desemprego, excepto:
  • Se na sociedade realizabas funcións de dirección ou xerencia e recibías retribucións por iso, tiveses ou non simultaneamente con ela vinculación laboral común ou especial.
  • Se desempeñabas ditas funcións e simultaneamente tiñas relación coa empresa por un contrato de alta dirección, con ou sen retribución.
  • Si de manera individual posees la mayoría del capital social de la sociedad.
  • Se ti xunto co teu cónxuxe ou parentes ata 2 o º grao de consanguinidade ou afinidade cos que convives, posuídes participacións na sociedade que supoñan en conxunto a maioría do capital social, salvo que xustifiques que o control efectivo require a participación de persoas alleas ás relacións familiares.

No entanto, as persoas socias traballadoras das sociedades laborais, cando o número de socios e socias non sexa superior a vinte e cinco, aínda cando formen parte do órgano de administración social, teñan ou non competencias directivas, gozarán de todos os beneficios da Seguridade Social das persoas traballadoras por conta allea que correspondan en función da súa actividade, así como a protección por desemprego e do Fondo de Garantía Salarial.

• Se se trata dunha sociedade mercantil capitalista e quedas en desemprego involuntariamente, tamén podes percibir prestacións por desemprego, excepto:
  • Se formas parte simultaneamente do órgano de administración da sociedade e o desempeño deste cargo comporte a realización de funcións de dirección e xerencia da sociedade, recibindo retribucións por iso ou pola túa condición de persoa traballadora. Isto supón estar incluído ou incluída no Réxime Xeral da Seguridade Social como persoa asimilada ao colectivo de traballadores por conta allea sen dereito á protección por desemprego.
  • Se posúes o control efectivo da sociedade por ter, polo menos, o 50 % do capital social individualmente, ou alcanzas esa porcentaxe xunto con outros socios ou socias con quen convivas e con quen teñas un vínculo conxugal ou de parentesco, por consanguinidade, afinidade ou adopción, ata o segundo grao.
  • Se posúes individualmente, polo menos, unha terceira parte do capital social.
  • Se posúes individualmente, polo menos, a cuarta parte do capital social, sempre que teñas atribuídas funcións de dirección e xerencia da sociedade.