SUPLEMENTOS EUROPASS DOS CERTIFICADOS DE PROFESIONALIDADE

Europass é o Marco Comunitario Único para a transparencia das cualificacións e competencias establecido pola Decisión 2241/2004/CE do Parlamento Europeo e o Consello, para facilitar a mobilidade, tanto con fins de aprendizaxe permanente como con fins profesionais, entre países e entre sectores.
Europass componse de cinco documentos dos cales dous se cumprimentan, directamente, polos cidadáns: os CV_Europass e o Pasaporte de Linguas Europeas e outro tres elabóranos as autoridades competentes: o Suplemento Europass ao Título/Certificado, o Suplemento Europass ao Título Superior e o Documento de Mobilidade Europass. O responsable de Europass a nivel europeo é o Cedefop (Centro Europeo para o desenvolvemento da Formación Profesional) .
En España, o Centro Nacional Europass ten a súa representación no actual Servizo Español para a Internacionalización da Educación (SEPIE antes Organismo Autónomo de Programas Educativos Europeos-OAPEE).
Dirección:
Xeneral Oráa 55 - 28006 Madrid
Tlf: 91 5506768 - Fax: 91 5506750
Correo electrónico: europass@sepie.es
Máis información: http://www.sepie.es/iniciativas/europass/index.html
Suplemento Europass aos Certificados de Profesionalidade