A memoria para solicitar o pagamento único consiste na elaboración dun proxecto que describa a actividade que vas realizar e que permita avaliar a súa viabilidade económica e financeira. Esta memoria deberá incluír os seguintes apartados:

• Datos persoais.
• Datos sobre a actividade a desenvolver, indicando en que consiste, a localidade e a provincia onde se vai levar a cabo, o marco xurídico no que se realizará e a data prevista de inicio.
• Capital necesario total (propio, alleo e capitalización).
• Distribución prevista do capital.
• Detalle dos investimentos a realizar.
• Datos do local no que se vai desenvolver a actividade.
• Previsión de ingresos, gastos e rendementos para os primeiros exercicios.
• Previsión sobre a creación de emprego.

Podes elaborar a memoria seguindo o guión dispoñible na páxina web do Servizo Público de Emprego Estatal, titulada «Modelo de memoria explicativa do proxecto para o pagamento único ou capitalización».

Para a elaboración da memoria tamén podes acudir a calquera consultoría ou asesoría privada, ou aos servizos que as distintas administracións públicas, de carácter estatal, autonómico ou local, poñen á disposición das persoas promotoras de novos proxectos de actividade.