Se queres acollerte ao pagamento único da prestación contributiva por desemprego, debes ser titular desa prestación no momento de presentar a solicitude do pagamento único e non ter iniciado a actividade con anterioridade a esa solicitude.

O importe da prestación aboarase dunha soa vez, polo importe correspondente á achega obrigatoria establecida, con carácter xeral, en cada cooperativa, ou polo importe necesario para adquirir accións ou participacións do capital social nunha sociedade laboral (en ambos os casos, requisito imprescindible para adquirir a condición de socio ou socia). Non poderás acceder ao pagamento único se realizas ese desembolso antes de presentar a solicitude.

Se no momento da solicitude xa formas parte dunha cooperativa ou sociedade laboral previamente constituída e, en consecuencia, xa efectuaches o desembolso necesario para adquirir a condición de socio ou socia, pero aínda non se iniciou a actividade nin as persoas traballadoras figuran de alta na Seguridade Social, só poderás obter o pagamento único para a subvención de cotas.

Máis información en:

• Capitaliza a túa prestación.
• Carpeta informativa do pagamento único.
• Impreso de solicitude do pagamento único.