Se non podes devolver o cobro indebido dunha prestación por desemprego no prazo de 30 días desde que recibiches a resolución, podes solicitar o fraccionamento da débeda. A súa aprobación implicará a aplicación dos correspondentes xuros de demora.

Se non realizas a devolución e máis adiante volves ser beneficiario ou beneficiaria de prestacións por desemprego, procederase á compensación do cobro indebido coa prestación, aínda que se che concedese o fraccionamento.

Se pasan os 30 días sen que devolvas o importe (sempre que non se iniciase a compensación ou non solicitases o fraccionamento), emitirase a correspondente certificación que dará inicio á vía de constrinximento.

Esta vía ponse en marcha pola Tesouraría Xeral da Seguridade Social e leva un recargo do 20 % sobre o importe debido. Se queres aprazar unha débeda en vía de constrinximento, debes acudir á propia TGSS.

Se o reintegro, a compensación ou a solicitude de fraccionamento se realizan fóra do prazo voluntario, a cantidade debida incrementarase cos recargos establecidos legalmente.