Co desistimento da solicitude da prestación, esta considérase como non presentada. Poderás desistir mentres o procedemento non remate, é dicir, antes de que o Servizo Público de Emprego Estatal (SEPE) resolva aprobando, denegando ou arquivando a túa solicitude.

Poderás presentar o desistimento da solicitude a través de: 

• A sede electrónica do SEPE, se dispós de certificado dixital, DNI electrónico ou usuario e contrasinal proporcionados pola plataforma Cl@ve con sinatura.
• Na túa Área Persoal, se dispós de DNI / certificado electrónico ou Cl@ve permanente, ou mediante un PIN enviado ao teu móbil.
• Na oficina de prestacións onde presentaches a solicitude, con cita previa (por teléfono ou na sede electrónica do SEPE).

O SEPE resolverá favorablemente o desistimento unha vez comprobado que a solicitude aínda non foi resolta.

Xunto coa resolución devolverase a documentación achegada coa solicitude.

A renuncia á prestación só poderá presentarse cando a solicitude xa foi aprobada e implica a extinción da prestación.

Non se admitirá a renuncia se:

• se iniciou un procedemento de suspensión da prestación por calquera causa,
• existe unha retención xudicial ou embargo sobre a prestación,
• hai cobros indebidos pendentes co SEPE.