Se, mentres percibes a prestación por desemprego como consecuencia da suspensión do emprego ou da redución da xornada derivada dun procedemento de regulación temporal de emprego, inicias unha situación de incapacidade temporal, deberás comunicalo ao Servizo Público de Emprego Estatal (SEPE). Deberás informar tanto da baixa médica como, no seu momento, da correspondente alta. Ademais, a empresa tamén comunicará os días de baixa médica a través do ficheiro de días de actividade/inactividade.

Podes comunicar esta situación:

• Solicitando cita previa na túa oficina de prestacións e achegando os partes de baixa e alta.
• A través de Internet, na sede electrónica do SEPE (se dispós de certificado dixital, DNI electrónico ou usuario e contrasinal cl@ve). Os partes de baixa e alta poden achegarse a través do trámite Xestión da documentación.
• Presentando unha pre‑solicitude pola baixa por IT no trámite Baixa Prestación. Unha vez dispoñas da alta médica, deberás presentar unha nova pre‑solicitude no trámite Pre‑solicitude de prestación individual. En ambos os casos, explica brevemente no campo Observacións que estás a percibir unha prestación por ERTE e que pasaches á situación de IT ou que esta finalizou.
• De maneira excepcional, mediante a presentación dun escrito a través do Rexistro Electrónico ou nunha oficina de asistencia en materia de rexistro, achegando os partes de baixa e alta médica.