Solicitar unha prestación por desemprego é un trámite persoal. Podes presentar a solicitude a través da sede electrónica do Servizo Público de Emprego Estatal se dispós de certificado dixital, DNI electrónico ou usuario e contrasinal de Cl@ve.

Así mesmo, podes presentar a solicitude de forma presencial na oficina de prestacións (oficina de emprego no caso de Ceuta e Melilla) que che corresponda segundo o teu domicilio, solicitando cita previa por Internet ou por teléfono.

Se a solicitude se presenta a través dun representante, deberá acreditarse a representación por calquera medio válido en dereito que deixe constancia fidedigna, ou mediante declaración en comparecencia persoal.

A normativa de procedemento administrativo tamén permite presentar a solicitude nos rexistros de calquera órgano da Administración Xeral do Estado, da Comunidade Autónoma ou das entidades da Administración Local, nas oficinas de correos, nas representacións diplomáticas ou oficinas consulares de España no exterior, ou en calquera outro rexistro previsto na normativa vixente.

Ten en conta que, para poder cobrar unha prestación por desemprego, debes estar inscrito ou inscrita como demandante de emprego. Para iso, é necesario acudir persoalmente á oficina de emprego que che corresponda segundo o teu domicilio.