Se incumpren as túas obrigas como persoa beneficiaria de prestacións por desemprego, por asistir a procesos de selección dunha oferta de emprego ou a accións de formación, orientación, reconversión ou inserción profesional, poderás xustificar o incumprimento mediante un certificado selado e asinado pola entidade correspondente.

Así mesmo, de acordo co establecido no punto terceiro do artigo 37 e no artigo 45 do Estatuto dos Traballadores, poderán xustificarse todas as situacións previstas nestes artigos como causa de ausencia do posto de traballo; por exemplo, a incapacidade temporal (xustificada con documentación emitida polo Sistema Público de Saúde) ou o cumprimento dun deber público inescusable (mediante documento emitido polo órgano convocante).

Lembra que, no caso de incumprir unha obriga por unha causa xustificada, debes acudir á oficina de prestacións de maneira inmediata unha vez remate a causa que o motivou.