Podes deixar de percibir a prestación por desemprego por algunha das seguintes causas:

• Porque a prestación se te esgotase ao rematar a súa duración.
• Por compensación dun cobro indebido, é dicir, se tes unha débeda co Servizo Público de Emprego Estatal (SEPE).
• Polo inicio dun procedemento sancionador. A proposta de sanción que implique a suspensión da prestación comunicarase sempre por correo certificado.
• Por algunha causa de incompatibilidade: traballo por conta propia ou allea, ou recoñecemento dalgunha pensión ou prestación económica da Seguridade Social. Se se trata dun emprego a tempo parcial, podes solicitar a compatibilización do traballo coa prestación que viñas cobrando. Para iso, deberás pedir cita na túa oficina de prestacións por Internet ou por teléfono. A contía da prestación reducirase de forma proporcional ao tempo traballado.
• Por ter unha clave de impago na prestación ao non tela cobrado o mes anterior. Neste caso, deberás acudir á túa oficina de prestacións, previa solicitude de cita por Internet na sede electrónica do SEPE ou por teléfono.