Para acreditar as cargas familiares no caso de que un dos proxenitores se atope en paradoiro descoñecido, a persoa interesada deberá presentar a correspondente demanda de adopción de medidas paternofiliais e obter unha resolución xudicial na que, de ser o caso, conste o impago da pensión ou, se existe pagamento, que este non supere o 75 % do Salario Mínimo Interprofesional (SMI).

Se na data de solicitude da prestación aínda non se ditou dita resolución xudicial, poderase achegar de forma provisional o xustificante de que a demanda foi admitida a trámite.

O Código Civil establece no seu artigo 143 a obriga tanto do pai como da nai de prestar alimentos aos fillos e fillas.