Lembra que, se a túa empresa está en ERTE, sexa por forza maior ou por causas económicas, técnicas, organizativas ou de produción (ETOP), con causa nos efectos das inundacións do mes de febreiro, non debes solicitar ti a prestación individualmente, senón que será a túa empresa a que a solicite no teu nome e coa túa autorización, a través da presentación dunha solicitude colectiva.

Unha vez recoñecida a túa prestación por ERTE inundacións, o SEPE enviarache un SMS ao teléfono móbil indicado na solicitude colectiva, informándote de se te recoñecemos a prestación con ou sen fillos/as ao cargo, segundo os datos que temos no SEPE. O SMS informarate tamén do acceso a esta páxina web para explicarte como actualizar, de ser necesario, esa información familiar.

A túa empresa tamén se ocupará de informar ao SEPE da túa reincorporación á actividade (baixa da prestación) cando se produza, así como se cambia a túa xornada ou se dan outras situacións (vacacións, maternidade/paternidade, incapacidade temporal, etc.). 

Si eres persona trabajadora por cuenta ajena incluida en el Sistema Especial para Trabajadores por Cuenta Ajena Agrarios que reside o tiene su lugar de trabajo en alguno de los municipios afectados por las inundaciones o fenómenos meteorológicos adversos, tendrás derecho a percibir el subsidio agrario o la renta agraria siempre que cumplas los requisitos para cada prestación y hayas cubierto un mínimo de cinco jornadas reales cotizadas en los doce meses naturales inmediatamente anteriores a la situación de desempleo.

Infografía trabajadores agrarios

 

Se es unha persoa traballadora ao servizo do fogar e a túa actividade se viu interrompida ou reducida por mor das inundacións e outros fenómenos meteorolóxicos adversos, terás dereito á prestación por desemprego nas mesmas condicións que as persoas traballadoras incluídas nos ERTE.

Podes solicitar a túa prestación contributiva, aínda que non teñas o período mínimo cotizado. Non se che consumirán cotizacións e o tempo que cobres de prestación por motivo das inundacións considerarase tamén cotizado de cara a futuras prestacións.

Terás que presentar unha solicitude individual (non vai por solicitude colectiva como nos ERTE) dentro do prazo de 15 días hábiles a partir do 2 de marzo de 2026, se a túa actividade xa se viu afectada, ou desde que se vexa afectada. Debes acompañar a túa solicitude cunha declaración responsable do teu empregador ou empregadores.

Podes presentar a túa solicitude: 

• Presencialmente, con cita previa, nunha oficina de prestacións do SEPE, achegando en papel unha declaración responsable por cada situación de inactividade total o parcial (por cada traballo).
• A través da solicitude de prestacións na sede electrónica do SEPE, para o que necesitarías certificado dixital ou usuario cl@ve. Axuntarás como anexo á solicitude unha declaración responsable por cada situación de inactividade total ou parcial.
• Presentando o formulario de presolicitude, que tamén atoparás na sede electrónica do SEPE. Axuntarás como anexo ao formulario de presolicitude unha declaración responsable por cada situación de inactividade total ou parcial.

Si presentas a túa solicitude telematicamente (solicitude electrónica ou presolicitude), é conveniente que indiques no campo de observacións que o que solicitas é a prestación polas inundacións do mes de febreiro de 2026 e que es unha persoa traballadora ao servizo do fogar. Lembra axuntar a declaración responsable de cada traballo no que cesas temporalmente.

Non esquezas informarnos cando volvas traballar en cada contrato ou se che amplían as horas de traballo sobre o indicado na declaración responsable, xa que habería que recalcular a túa prestación. E, cando regreses á túa actividade normal, comunícanoslo para que demos de baixa a prestación e non haxa que regularizar despois e reclamarche cantidades. Podes facelo desde a presolicitude, trámite Baixa de prestación ou comunicación de saída ao estranxeiro, indicando no campo de observacións o que consideres (incremento de actividade por tantas horas desde tal data, fin da inactividade polas inundacións desde tal data, etc.)

Infografía persoas ao servizo do fogar Infografía_fogar

 

É importante que comprobes se recoñecemos a túa prestación coa información familiar correcta. Podería corresponderche máis cantidade de prestación, pero tamén menos e habería que regularizar despois. 

Como afecta á túa prestación o dato de fillos e fillas que nos proporciones?

Á prestación por ERTE inundacións aplícanselle os topes mínimos e máximos que establece a Lei de Seguridade Social para a contía da prestación contributiva. Así que, se a túa relación laboral é ao 100% da xornada (contrato a xornada completa), ten en conta que:

• O mínimo que podrías cobrar de prestación é 560,00 € (80 % IPREM) se non tes fillos/as ao cargo.
• Ese mínimo subiría ata 749,00 € (107 % IPREM) se tes algún fillo/a ao cargo.
• En canto aos máximos, cobrarás ata 1.225,00 € (175 % IPREM) se non tes fillos/as ao cargo.
• Cun fillo/a ao cargo, ese máximo sobe ata 1.400 € (200 % IPREM).
• Con dous ou máis fillos/as, o máximo é 1.575,00 € (225 % IPREM). 

1) Que pasa se o teu contrato é a tempo parcial?

Eses topes máximos e mínimos reduciranse en función da porcentaxe de xornada. Se o teu contrato coa empresa en ERTE inundacións é, por exemplo, ao 75 % da xornada, os topes mínimos e máximos serán o 75 % do indicado, 918,75 €, como tope máximo sen fillos/as, en lugar dos 1.225 €. 

2) Como saber se estás no mínimo ou no máximo? 

Sabes que a contía da prestación por ERTE-inundacións é o 70 % da túa base reguladora durante todo o tempo que a cobres. Esa base reguladora calculámola a partir das túas cotizacións dos últimos 180 días (o sobre o que leves na empresa en ERTE se é menos de 180 días). Se o 70 % desa base reguladora mensual queda por debaixo dos topes mínimos, a contía da túa prestación subirá ata o mínimo que corresponda, con ou sen fillos/as e segundo a porcentaxe do contrato a tempo parcial. Se supera os topes máximos, o que cobrarás tamén dependerá dos fillos e fillas ao cargo e da parcialidade do contrato.

Estas cantidades son brutas e terán o desconto de cotización á Seguridade Social correspondente.

3) Como saber se tes fillos ou fillas ao teu cargo? Se viven contigo considéranse ao teu cargo?
O que determina que se consideren fillos e fillas ao cargo é:

• que dependan economicamente de ti (conviven contigo ou pagas pensión de alimentos); 
• que teñan menos de 26 anos ou maiores desa idade con grao de discapacidade igual ou superior ao 33%, ou menores en acollemento;
• que no teñan ingresos propios superiores ao salario mínimo profesional (SMI), é dicir menos de 1.221 €.

Se a cantidade da túa prestación se pode ver incrementada (a partir dunha base reguladora de 58,34 €/d ou 1.750,20 €/m para os topes máximos, e por debaixo de 26,67 €/d, 800 €/m para os topes mínimos), podes actualizar a túa información familiar.

Se te indicamos un número de fillos e fillas que non corresponde, porque xa non están ao teu cargo, debes comunicárnolo para non cobrar máis prestación da que te corresponda, e así evitar que te reclamemos cantidades indebidamente percibidas.

A actualización da información familiar poderá realizarse a través de:

• o servizo de actualización de datos na sede electrónica, que require identificación mediante certificado dixital, DNI electrónico ou usuario e contrasinal proporcionado pola plataforma Cl@ve firma.
• a presentación de escrito a través do rexistro electrónico remitido á dirección provincial do SEPE que corresponda ou ben entregado nunha oficina de asistencia en materia de rexistro (OAMR),

Adxunta á túa petición de inclusión de fillos e fillas ao cargo a documentación xustificativa (libro de familia ou certificación do rexistro civil de nacemento ou de familia, convenio regulador, etc.). Debes indicar nome completo, data de nacemento e rendas dos fillos e fillas que haxa que incluír na túa prestación. Con iso regularizaremos, se procede, as cantidades abonadas ata o momento e modificaremos a contía a percibir.
 

Xa estabas cobrando outra prestación ao mesmo tempo que traballabas na empresa na que agora estás en ERTE?

Se estabas compatibilizando o traballo afectado polo ERTE por inundacións cunha prestación por desemprego ou percibindo o complemento de apoio ao emprego e se te incluíu na solicitude colectiva, o SEPE haberche recoñecido a prestación por ERTE interrompendo a outra. Se queres optar pola prestación anterior, podes facelo por vía telefónica, chamando ao 060.

Lembramosche que a prestación por ERTE non consume cotizacións nin días da túa outra prestación e que, unha vez finalice, poderás volver cobrar a prestación anterior onde a deixaches, se o solicitas. Ademais, o tempo que cobres prestación por ERTE considerarase cotizado para os efectos dunha futura prestación.